Nitih ka cerita bala sida ka tuai-tuai, penatai bala aki ini kelia ngagai menua semada tu ianya ari Undop Sri Aman. Sebedau ari menua Undop tu kelai enda tentu temu ari penatai bala sida ka tuai tu kelia. Udah nya sida ka tuai tu tadi lalu pindah ngagai Padang Pedalai, Semunjan. Udah ba Padang pedalai Semunjan kelia bala sida ka tuai tu lalu pindah ngagai Kampung Abit. Laban ka deka bepungkal ka menua baru dia deh sida ke tuai tu kelia lalu muka menua ti di kumbai urang Rapak.

Udah nya bala sida ka tuai tu lalu bepun muka menua Rapak tu kelia. Udah tanah sebengkah lalu ngagai tanah sebengkah lalu mega sampai ngagai menua Semada ka Diatu. Sebedau bala sida ka tuai tu kelia magi menua semada ngagai tiga, semua bala tu kelia diau ba siti rumah panjai. Laban menua ka kelalu angat lalu nadai tentu manah alai diau, nyuruh sida tuai kelia bepecah ngagai langkau umai diri empu sebedau sida kelia ngaga menua Semada nyadi tiga, ianya Semada Belatok, Semada Tengah enggau Semada Mawang/Padang Bilon. Nyadi temawai nya tadi di kumbai urang diatu Tembawai Angat.

Nyadi bakanya asal usul Kampung Semada ka di temu diatu. Enti bala kaban belayan bisi cerita ke silik agi, tau meh madah/nulis ngagai aku ngena e-mail michaelakien@yahoo.com. Ngambi ka semua utai tu bisi dikenang ka nembiak rebak dudi ila.

Terima kasih.

Moderator.