Berita Tergempar !!!!!!!
TEMPAT KEJADIAN
Semada, 21 Januari 2010.
Berita penusah di tangkap jagu nyadi untuk kali kedua. Penusah terbaru tu nyadi kena ka 20 Januari 2010. Sekali tu ia ke kena ketup jagu ianya laki Aca, Mathias Anak Watson. Menurut berita di terima ari Kampung Semada Belatok, madah ka laki Aca di tangkap jagu leboh ia enggau sida menyanak mandi di pangkalan sida ia kira-kira dalam 7.00 pm lemai.
Menurut sumber, Leboh maya kejadian nya, laki Aca benung baru udah abis mandi lalu tiba-tiba jagu nya lalu nangkap betis sepiak kiba ia leboh ke benung bediri ba jematan pendai sida ia. Udah nya ia lalu ditarit ke dalam ai. Leboh ke ngasai ke diri bisi ketup utai dalam ai, dia laki Aca lalu jampat nemu diri di ketup jagu. Dalam masa ngelepas ke diri leboh ke benung dalam ai nya tadi, dia laki aca lalu ngerebuk mata jagu sampai ia ulih ngelepas ke diri. Betis kiba ia balat ke ketup jagu.
Lemai nya mega ia lalu di bai ke hospital Serian untuk pemeriksaan. Selepas diperiksa ba hospital Serian, doktor madah ke ia patut di bai ke Hospital Umum Kuching untuk pemeriksaan lanjut laban bisi tisu isi ia balat bakal lalu mungkin bisi kena tulang. Ia lalu di bai ngagai Hospital Umum Kuching malam nya mega.
Berita ti diterima sampai tu aja. Nyadi enti bala ke bukai bisi berita terkini, kita tau mega nambah ke laporan ia dalam tu. Mesti diingat mega, setiap berita ti deka di kenatai ke kita mesti betul lalu tentusah ka enggau amai-amai sebedau nulis ditu. Tu kebuah, enggai ke berita ti salah dipadah ditu, ulih ngeliru urang bukai ti macha ia.
Sama-sama kitai besampi awak ke laki Aca ulih gerai enggau jampat, lalu besampi ke keselamatan mega ngagai kitai serumah ti diau ba Kampung Semada Belatok.
Moderator.
Update:- 22 Januari 2010, Jumaat.
Laki Aca, ianya Mathias Anak Watson udah di bedah lemai kemari 21 Januari 2010. Ia dimasuk ka ngagai dewan bedah dalam urung jam 5 lemai. Leboh ke ngabas ia ngagai Hospital Umum Kuching, dia aku bisi ninga cherita kejadian nya empu ari Aca. Cherita kejadian nya memang sama baka ke ditulis aku ba laporan ba atas tu. Bala kami ke ngabas Laki Aca sama-sama nganti sampai pukol 9.30 malam. Dalam masa nya ia agi dalam dewan bedah.
Cherita serta gambar Mathias ti di ketup jagu tu bisi meda di keluarka ba Utusan Borneo enggau Borneo post saritu 22 Januari 2010.
This post has 21 comments
January 21st, 2010
Apo.. balat berita tu..( menarik untuk di dengar tang balat ngirau ke ati )penusah laban sang bedal tu makin ngerusak pendiau/ekonomi kitai serumah ngiga belanja di menua din. Kasih tudah laki aca. Enti bisi masa ila ngabas ia kia. Diatu anang nguji merani kediri mandi maya urung jam lemai ari, laban sigi bisi pansik madah jam tu maya sang bedal tu ngiga pemakai.Nasit agi bisi ia ulih selamat. Sama – sama meh kitai meri bantu / enggau sokongan moral ngagai sida tu.
January 25th, 2010
Bhondap, mandi sebedau jam 1700. Lepasnya waktunya kenalah hati-hati… Dua insiden serangan tu belaku lepas jam 1700.
January 21st, 2010
Enti dua kali udah nyadi bakanya, anang ngalau agi unggal bunuh magang bala baya ka bisi diak sebedau iya munuh kita..
January 21st, 2010
Orang sigi udh madah anang mandi lepas 6.30 ptg sigi bahaya maya nya.sang bedal tu sigi enda ulih di biar baka nya aja. Agi kitai ingat suba sang bedal ke diulih sida niang jair kelia ari pengkalannya suba org mai ka atas suba lalu di bunoh dipupung ba pala. Anang sang bedal tu agi ingat ka tempatnya suba alai bala ia ka dibunoh.Aku minta bondap n samak cuba meri nasihat nuju sida ba kpg din ngiga cara bakani ka ulih sang bedal siko tu sampai sang bedal di tengkap awak ka keamanan kpg kitai tu selamat alai kitai diau. Anang baka ia terjadi tu jadi sekejap aja bertindak udah nya lalu diau, laban keno jerita jagu tu asal ari mensia.Kitai enda ulih ninga bakani ko cerita tu,perkara utama kitai diatu mesti nangkap jagu tu sampai ulih, lalu anang sampai ia bisi peluang ketiga kali sampai nyambi nyawa kitai kpg dia empu.Tindakkan anang angat – angat tahi ayam aja,mesti baka genggam bara api biar sampai menyadi arang.ok samak n bondap
January 22nd, 2010
Kasih laki Aca. Aku setuju enggau ambuk. kitai nemu jagu endang bisi di ai. tang nadai ngambi langkah bejaga-jaga. Beri nasihat pen bisi nadai dinga. Baka sempama ‘angat-angat tai manok’ sekejap aja bejaga-jaga. Bisi sekeda meri alasan, sema nadai ke ai… nama utai ke di empa
Dalam kes serangan JAGU tu, utai ti patut di perati ke ianya PUNCA penatai Jagu. Bepuluh taun sebedau ladang sawit bisi, nadai kala kitai semada bc masalah enggau jagu. Diatu udah nyadi masalah besai. Jagu udah ‘empu’ ai semada. So… salah siapa diatu… Syarikat ladang sawit atau orang Semada empu menoa atau sang BUAYA???? Fikir-fikirkanlah
January 22nd, 2010
Kadang2 sida tuk degil..dah nemu jagu sigi bisi tang nadai peduli…
Baka ke saritu..kes tu dah keluar dalam mayuh newspaper…ba utusan malaysia pun bisi…semalam pun bisi keluar online berita terkini ba berita harian…enggau tu arap ke pihak yang bertanggungjawab ulih mengambil tindakan segera dlm menyelesaikan kes kampung semada..
Bala ba kampung semada ulih mengambil kesempatan enggau kes ti berlaku tu…tu la masa ia membuka mata dan minda bala YB kitai..nya kebuah kitai penduduk kampung semada minta enggau jampat bekalan air bersih..enti bisi mayuh ai ba rumah kapa guna ka mandi ke ai?
January 22nd, 2010
chess… aku mega setuju ko nuan chess,suba udah nyadi ba unggal tang adai bc tindakan, kati utai enda ulih d lapor agai jabatan yang berkaitankah. cuba kitai merati mayoh utai tu dah nyadi tang adai mga tindakan bc di ambi.semina jako puang ajak.enti ulih report agai jabatan yang berkaitan.2 kali udah nyadi utai tu.program ba aik maya gawai anang dulu meh….
January 22nd, 2010
aku setuju enggau nuan chess, aku rasa syarikat ladang sawit nya ngaga hal, nya kebuah ayak bedal nyau ngacau kitai semada,enti enda pia betaun-taun kitai diau di menua semada adai kala utai ka baka tu nyadi,lapa te enda complain agai syarikat nya,ataupun jabatan yg berkaitan, tu dah kali 2 utai tuk dah nyadi tapi adai apa-apa tindakkan di gaga,ada ka patut. kitai sama-sama merati ok….do something akih….
January 22nd, 2010
Amat sinu ninga penusah ke nuntung kitai menua semada. Udah gak berebut ngau perintah/kompeni ka tanah kitai empu, diatu nyau berebut ngau baya ke ai ti endang endur kitai beridup ari kelia. Tu nyau kali ke dua kira dalam timpuh seaun pelaba aku kitai menua kena taggup baya…nasib nadai mai nyawa. Suba udah diripot ngagai perhilitan, tang sidak ia semina datai ba pelancung didinga ku…nadai tindakan susulan. Ba aku dah tiba masa kitai ‘declare’ perang habis habisan ngaggai jelu tuk ngambika ai kitai selamat baru baka suba. Kita berkira bakani ka munuh jelu tu sampai abis…di empa tauka dijual laban ia udu ngacam keselamatan kitai menua. enti perhilitan nganu…kitai tau muai sidak ke sungai ngambika sidak di empa baya nya. Kitai enda ulih ‘berpeluk tubuh’ aja ngaika nyau sampai bisi nyawa lenyau ila. Semua kitai ke bisi lantang pendiau tau bepupu duit kena kitai mutar ka penusah tuk. Duit nya tau kena kitai meli seterum kena nimbak ia tauka utai bukai ti beguna kena kitai nangkap serta munuh jelu tu. Tuan moderator…aku cadang ka kitai nubuh ka Tabung Program Penyelamat Ancaman Baya Semada(PPABAS)kena kitai mutar ka program tu…
January 22nd, 2010
samak, Nama tindakan bala kitai ba menoa diatu berkenanan enggau kejadian tu? Bala org ti baserimbai enggau menoa kitai din ba kem 3 RRD kicoh nanya aku bakani utai tu tau terjadi. Masing – masing meri pendapat ngasoh munuh JAGU tu laban berita ke bisi ba Utusan Borneo sahari tu tadi.Aku sigi arap meh JAGU mesti di bunoh ngena seribu macam cara ti ulih di kena kitai janji ia parai…. Geram aku tu moderator.
January 22nd, 2010
Tusah mai ati ninga berita tu, nyau manjak jagu ngacau. Ya ti mandi lemai anang terjun ke ai, betatak aja. Jagu ukainya di peda malam hari. Nasib ga laki Aca tu nemu cara ngelawan jagunya. Amai ko nuannya Acai. Agi zaman kami suba, rindu ndar begigak ke ikan, nda ngira maya kemarau @ ai besai etc. nginti, betaut. Nadai utai di kenangi.
January 24th, 2010
Jagu nya pelaba aku ke ngetup aba anin suba….aku nyukung enti kitak diau di pen ai nya minta tulung kerajaan awak ke nangkap jagu nya…biar sida iya nangkap jagu nya lalu di bunuh…enti kitak nadai nemu cara agi…padah ke wakil kitak dia awak ke nulung ngigak jagu nya….bai polis alu bunuh ja..
doa kami agar tuhan sentiasa melindungi kitak ti dia ba pen ai nya..ngagai bala laki aca..tuhan menyembuhkan mu…berdoalah….
pesan aku..anang sekali-kali kitak mandi ba pengkalan nya agi..kitak udah nemu tempatnya sigi angat..anang mandi dia agi…enti ulih..pagar enggau dawai besi kawasan nya ila enti lebuh ai surut….
laban kes tu udah makin angat..buat laporan ja…mesti perintah ka nulung….
tuhan memberkati..
January 24th, 2010
Latest info: 24.1.2010 (Sunday)
Pihak perhilitan bisi udah datai ngagai Semada Belatok kena ka 23.1.2010. Leboh ke datai, bala sida ia bisi mai bala perengka ti dikena nangkap jagu baka Perau fiber enggau moto ai serta enggau perengka ke bukai. Malam nya mega sida ia lalu bisi begiga ba Tasik Semada kira-kira 3 jam. Perkara pertama digaga sida dulu ianya ngiga endor/sarang jagu. Udahnya malam seterusnya baru sida deka nangkap jagu nya.
Bala perhilitan ti datai nya bisi 5 iko. Dipaham ka, siko ari sida nya ianya bomoh/dukun. Nya alai proses ngiga jagu tu se ulih-ulih ia enda di peda enggai ke “ngacau” baka ke nyadi leboh maya kes keterubah suba.
Ngarapka usaha sida perhilitan tu berjaya ngambi ka bala sida sang bedal nya enda agi ngacau kitai Semada Belatok agi. Sama-sama meh kitai besampi ke “keamanan” kitai Semada.
January 24th, 2010
manah meh nya puji tuhan..ngarap ke jagu nya ulih ditangkap enggau jampat…kami arap ke bala kitak ba pen ai nya bejaga jaga..ngarap ke tuhan sentiasa melindungi kitak dia…berdoalah minta pertolongan ngagai tuhan,laban ari doa,tuhan sigi nulung kitai…sebedau ka mandi ba pen ai nya berdoa dulu minta perlindungan tuhan….tiada mustahil bagi tuhan…selamat maju jaya ngarap ke kedamaian pen ai kitai di semada nya berkekalan baka ke udah…tuhan memberkati…..amen
January 25th, 2010
Moderator… YB SNOWDAN DONALD LAWAN & YB MASIR KUJAT bisi ngabas mangsakah atau meda tempat kejadian? Sema seduai enda nemu, tau ga pesan di radio atau TV mungkin seduai enda nemu berita pengundi di kawasan DUN /PARLIMEN diri empu.
January 25th, 2010
Ngarap ke sida perhilitan ulih nangkap jagu nya nggau naka penyampat. Seagi-agi jagu nya bedau ulih, nya agi ngenangi kitai ti bekena ke ai di Semada. NT sida nda ulih dalam kandang sebulan tu. Pelaba ku manah minta bantu orang ke pakar agi nangkap jagu baka ke dipeda kita dalam program “discovery”-orangnya endang landik nangkap jagu. Dalam TV1 kul 7:30pm sebedau brita kul 8pm enti ka meda. Tang bc mega diselang nggau program bukai.
January 26th, 2010
puji tuhan lah..arap semua utai ti di kereja kitak
enda sia-sia…ngarap ke bala kitak nanya bomoh nya..selain ari jagu nya ,bisi agi kini jagu lain bisi ba tasik kitai nya…enti bisi..asuh tangkap abis anang ngalau…ngirum gambar ila enti jagu nya di tangkap…
tuhan memberkati…
January 27th, 2010
kati gaya cerita terkini..udah d tangkap jagu nya kini
January 29th, 2010
hal tok sbnrnya nda patut kitai nyalah ke mangsa kena serang jagu tok.. amat urg dah mesan anang mandi lemai ari, mgkn mangsa tok tadi laun pulai ari kereja lemai ka mandi, laban nadai air paip ba rumah jadi simangsa tok tadi mgkn terpaksa mandi ke aik sungai… enti ka mandi air hujan mgkn ka simpan kena nyadi air bersih kena nyumai apa indah…. jadi masalah tok kitai patut nyalah ka urg ke ngaga jalai ke jagu tok ngagai menua kitai(org yg mngerjakan sawit).. 1 agi laban menua kitai tok bedau datai air paip yang bersih jadi masalah tok akan mengancam semua penduduk kmpg… jadi, nti ulih kitai minta tolong org yg bertggjawab yg membantu mendataikan jagu tok ngagai menua kitai n minta cdak ya ulih muru atau munuh jagu tok ataupun cdak ya kena menyediakan kitai air paip yang bersih supaya kitai nadai ke aik agi maya ka mandi malam ataupun lemai…jagu pun nda ngira bila iya ka nyerang kitai,bila2 masa jagu tok ulih nyerang baru, jadi berjaga la semua…. aku nemu kitai berjako sigi senang, tapi tok la hak kitai sebagai rakyat semada tok bersuara ngagai org yang yg bertggjawb….
January 30th, 2010
Au neh, nadai kala ninga bisi jagu ba menoa semada kelia. Nasib laki Aca selamat enggau nemu kelemahan jagu ba mata. Arap ka iya ulih suman jampat.
Minta ampun nagai bala kitak wai menyadi, aku tu ngampir randau kitak serumah. Ka nanya sapa2 bala kitak ditu bisi ngembuan no handphone CINEMA GIHANG.Minta kitak meri enggau aku. Padah enggau ia Engkudu nuan ari Kpg Semaltong mintak pia, sama sekula ba Balai Ringin(1986-1991). Lama amat enda ninga rita ari iya, udah lebih 19 tahun.
Kerja bala kitak ba blog tu manah amat, KEEP IT UP!!! Anang berenti ditu aja. Pansang amat meh menoa Semada enggau manah.
Enti kelia maia sekula selalu amat Cinema mai salai ikan, nyau batangkap bala kami berebut ke salai ikan, enda nemu diatu bisi agi nyalai ikan neh bala kitak ba Semada?
Terima kasih au…
February 22nd, 2010
Nuju semua menyadi kitai bansa ti diau netap di kampong Samada. Sinu bendar ninga rita nya. Aku bisi ngabas iya maia di admitted ba HUS sama enggau kaban aku SANGKA AK DOMONG, laban maia nya aku bisi kemisi ari KL. Ba penemu aku, ukai tegal nya kita dia mandi anang lepas jam 5 tauka 7 lemai, ukai pia, laban reptila ti bansa nya enda milih maia enti iya udah lapar. Tu perambu (suggestion) aku, ti ulih gotong royong ngaga pagar ngena kayu tebelian ba kawasan ti endor mandi aja, nya dikena nyeliah (avoid) ka reptila nya masuk ba endor kita mandi.
Nya aja
Penemu ari Aku.