Aktiviti ari Gawai deka digaga baka tu:
Tarikh : 1 Jun 2009
Masa : 11.00 pagi – 10.00 malam
Tempat : Dewan Serbaguna, Kampung Semada Belatok
Aktiviti : Sambutan ari Gawai Dayak 2009 ba Dewan Serbaguna, Kampung Semada Belatok
Ringkasan Aktiviti:
11.00 am – Penatai bala rayat enggau pengabang ngagai Dewan Serbaguna
11.30 am – Ucapan Tuai Rumah
11.45 am – Ucapan Pengerusi Belia
Sa, dua, tiga, empat, lima, enam, tuuuuuujuh!
Enda aku busong ngelangkah gunong,Enda aku tulah ngelangkah tanah,
Enda aku danjan ngelangkah bulan,Enda aku tumbang ngelangkah bintang!
Laban kaki aku udah bediri di segi besi belumpong,
Nyawa aku nyapa nyembah di klasah tikai bedong long.
Lengan kanan aku ditanggam beringan lanchum selong,
Pala aku di-bap singkap jalong jabong,
Blakang aku ditinggang seludang baju burong.
Aku meri selamat ari Gawai Dayak 2009 ngagai semua kitai bansa Dayak. Ngajih ke kitai semua bulih tuah, bulih limpah ari taun ti udah. Bakani kita nyambut Gawai taun tu? Bisi runding pulai ke Semada? Dini-dini alai kitai nyambut ari Gawai taun tu, ngarap ka kitai ulih nyambut enggau chara ti manah. Enti bebai ke kereta maia ngabang, ngarap anang ngirup sampai mabuk. Jimat-jimat ba jalai alun.
Enggau tu mega, ngagai kitai ti bekereja ba menua urang lalu enda ulih pulai ke menua , kita tau nyampai ke pesan dalam tu. Sekali agi ari aku SELAMAT ARI GAWAI DAYAK 2009. GAYU GURU GERAI NYAMAI.
Michael Akien
Moderator,
www.semadabelatok.com
