Petronas bisi ngeluarka iklan ba Thesundaypost 29 Mac 2009 madah pasal program/kereja ba Petronas ngagai sida anembiak ti bisi sijil SPM enggau Diploma. Barangsapa ti deka enggau minta pengawa tu, kita ulih logon ngagai www.instep-petronas.com. Tebuka maia 29 Mac 2009 sampai 7 April 2009. Anang muai peluang tu. Minta tulong mega semua bala ti bisi macha tu madah ngagai anembiak kitai ti diau ba menua pesisir pasal pengawa tu.
Moderator.
Bisi runding bala kaban deka ngaga trip ke Sabah maia ujung taun tu (Disember 2009). Trip tu kena ngelantang ke ati lalu mai bala diri sebilik raun meda menua urang bukai. Laban udah lelak gawa sepanjai taun nyadi nadai salah enti deka ngelantang ke ati memimit.
Minta penemu ari bala semua engka bisi nemu alai ti manah ba Sabah alai bejalai mai bala keluarga ngelantang ke ati. Kita tau madah dalam ruangan “comment”. Ngarap ka maklumat ti diberi ari bala kita ulih mantu ngemujur ke pejalai bala kami ti deka nemuai meda menua Sabah. Terima kasih ngagai sukong semua kita.
Moderator.
Berita terkini ari Semada:
Ahad, 22 Mac 2009
Usaha ngiga lalu nangkap jagu diatu benung di pejalai ka. Penduduk kampung bisi udah ngangau ke siko dukun. Semua kos enggau ngiga jagu tu dibayar olih penduduk kampung Semada(Belatok, Tengah, Mawang). Setiap rumah bebayar RM 25.00 sepintu. Nyadi duit tu dikena mayar dukun enggau semua perengka bukai ti dikena ngiga jagu nya.
Ngarap ke Jagu ti udah ngaga hal tu ulih ditangkap dalam masa enda lama laban ke diatu semua penduduk takut deka mandi ke sungai, betaut enggau semua kereja bukai. Sebedau tu, dalam seminggu ti udah penduduk kampung udah bisi meli jarin kena nangkap jagu tu, tang meh ulih di ingkas ke jagu nya lalu jarin ti dikena enggau nangkap nya balat amai carik lalu jagu tu ulih ngelari ke diri.
Ia ke diatu lalu nadai bisi tulong ari semua perintah enggau swasta ti ulih mantu penduduk kampung. Ngarap ka mega enggau tu bisi “Perhatian” ari Jabatan Kerajaan baka Jabatan Perhilitan mantu penduduk kampung Semada mutar ke pekara tu.
Moderator
__________________________________________________
Rabu, 11 Mac 2009. Jam 8.00 malam
Anin (Franklin Anin/Unggal) di tangkap jagu leboh maia mandi lemai ari tiga (11.03.2009). Leboh maia pekara nya nyadi ia benong mandi ba pengkalan sida ia empu leboh udah pulai ari umai kira urung jam 7.00 malam. Ia balat bakal ba punggung enggau ba pa bekau ketup jagu nya. Ia lalu terus di bai ke hospital Serian lemai nya mega.
Ia ke diatu tasik Semada Belatok enda selamat agi alai mandi enggau semua perkara bukai baka nyarin serta nyala ikan. Tasik Semada nadai agi “penapis” ari ai Batang Sadong ke tebilang enggau jagu laban semua kampung/kayu ti nyaga tasik semada ngelama tu udah abis di tebang alai ladang sawit. Nyadi nya meh kebuah alai bala jagu tu mudah endar masuk ke tasik Semada laban ke diatu Tasik Semada tu nyau besai amai. Rampa menua tasik Semada ulih dipeda datai ngagai nganga Barai. Nadai gambar ulih di engkah ditu bekait enggau pekara nya tadi. Enti bisi pulai ke menua baru ulih ngambi gambar ke dipeda bala semua.
Moderator
