Semada Belatok

JKKK Kampung Semada Belatok di kangau urang “meeting”/taklimat ba Balai Ringin oleh wakil rakyat Kawasan Balai Ringin, En. Snowdan Lawan enda lama ke udah. Lalu siko ari JKKK bisi madah ngagai aku pasal YAYASAN PENDIDIKAN DONALD LAWAN. Dalam meeting/taklimat bisi di padah oleh En Snowdan Lawan pasal Yayasan nya. Nyadi Yayasan Pendidikan Donald Lawan tu khas ngagai semua anembiak sekulah ba kawasan Balai Ringin ti “cemerlang” dalam pemutus peresa sida ia ba UPSR, PMR enggau SPM. Yayasan tu meri saguhati/ganjaran/duit nitih ke peresa ti di ambi sida ia. Contoh baka SPM enda sama enggau PMR enggau UPSR.

VCD & DVD Kirsmas 2008

DVD & VCD krismas 2008 diatu udah siap digaga. Sapa ti deka meli tau madah ngagai aku ataupun ngagai Rundi Dumong (tel: 0135749358) untuk tempahan. Dalam rakaman nya ngundan aktiviti krismas 2008 ti di gaga ba balai raya Kampung Semada Belatok. Rega DVD  ianya RM13.00 lalu VCD ianya RM 10.00. Anang ngelepas ke peluang meli DVD &VCD tu laban di gaga sekali tu aja lalu engka enda di keluarka agi dudi ari ila. Semua utai tu nadai meri penguntung enti di banding ka enggau pengelelak serta pengiruh semua bala ti ngaga pengerami krismas tu tadi. Semua utai tu di gaga ngambi ka bisi pengingat kitai dudi ari ila.

Moderator
Michael Akien

Gambar ti bisi di ambi maya banjir tu tadi.

Nimba perau

Banjir 18.01.2009

Jalai ba pentik

Sungai Belimbing, Jalai Serian-Balai Ringin

Sungai Belimbing, Jalai Serian-Balai Ringin

Jematan Semada Belatok

Ujan lebat selama 3 hari nengelam ka jematan Sg. Belimbing lalu ngampuh ka jalai Serian-Balai Ringin. Mayoh kereta tepagang laban ke ai deras lalu tusah di tengah kereta mit. Penusah tu ngujung ka mayoh bala ti bekereja enda ulih pulai udah ke cuti ujung minggu. Penusah tu nyadi maya kena ka ari minggu 11 Januari 2009. Deret kereta bebaris deka nyemberai jalai ti ampuh tu bisi pemanjai 2KM ari sepiak  Serian enggau sepiak Balai Ringin.
Ba Kampung Semada Belatok, jalai mega bisi ampuh ia nya ba senentang “pentik”. Tapi jalai nya ulih di tengah laban ai ke enda deras.