Semada Belatok

Aku ngari ke kami sebilik ngenatai ke penyinu ati ari kami sebilik ngagai Buri anak Ati laban apai ia Ati anak Pandong diatu benung raya amat sakit. Ia ke diatu Apai ia agi berubat ba Hospital Umum Sarawak lalu bedau ulih ngeleda ke diri empu. Apai ia di pasuk ke berubat ba Hospital Umum Sarawak pagi ari satu 29 Jun 2009.

Pagi 29 Jun 2009, kira-kira jam 7.30 am Apai ia nadai nemu urang agi pengudah ke laboh ba bilik mandi lalu pala ia bisi tepangka ba lantai. Leboh di bai ngagai Kuching  Specialist Hospital, dia doktor madah ke Apai ia bisi pendarahan ba otak lalu memerlukan pembedahan enggau segera. udah nya ia lalu di bai ngagai Hospital Umum Sarawak untuk pembedahan. Barang sapa ti deka ngabas ia, tau ngagai Hospital Umum Sarawak ba tingkat 5, katil no B32.

Sama-sama kitai besampi ngagai Tuhan awak ka ia ulih gerai enggau jampat. Amen

Moderator
semadabelatok.com

Musim kemaru nyau ka udah masuk dua bulan. Bala rayat ba menua diatu balat amai MERINSA setegal NADAI AI enggau ngirup, nyumai, mandi enggau semua kereja bukai. Dalam tempoh dua bulan tu, sekali pen nadai meh ari ujan. Baka sida ke bisi pam ai, bisi berasai nyamai mimit tang agi meh MANDI AI KERUH ba telaga baka dalam gambar ba baruh tu. Bala ke nadai pam ai, nyau terpaksa mandi ngagai kolam ladang ke kira-kira 1.5 KM penyauh ia. Penusah baka tu UDAH NYADI ARI KELIAK sampai ke diatu setiap kali musim kemarau. Taja pen menua kitai Sarawak tu UDAH 46 TAUN MERDEKA tapi rayat ba menua pesisir agi merinsa ari segi “KEMUDAHAN ASAS”  baka AI BERESI, JALAI TAR enggau API ELETRIK. Engka pekara baka tu “terlepas pandang” ari pemimpin-pemimpin sebedau tu. Ngarap ka WAKIL RAKYAT kami ti baru diatu ianya YB SNOWDAN LAWAN enggau YB MASIR KUJAT berati ke PEMERINSA rayat kami KAMPUNG SEMADA BELATOK.

Telaga alai mandi

Tanah pangkalan nyau merekah

Pengkalan Alai Mandi

Ai sungai nyau langkang

Bantuan ai ari Majlis Daerah Serian

Rayat kampung bisi meting pasal penusah ai lalu semua bersetuju minta bantuan ai beresi ngagai majlis daerah Serian kena ke ari satu (Isnin). Lalu lemai ari minggu 21.6.2009 pihak majlis daerah Serian bisi nganjong ai dua tangki (3200 gelen) ngagai Kampung Semada Belatok aja. Terima kasih ngagai Majlis Daerah Serian. Ai ti dianjong di jangka semina chukup untuk pekara asas baka nyumai enggau ai irup dalam masa 4-5 ari aja.

Penduduk Kampung Semada Belatok mega bisi minta projek sistem Tadahan air berpusat ( 12 tong ai). Lalu projek tu dijangka deka digaga ujung taun tu. Ngarap ke pekara tu ulih nyadi kenyataan.

         Aku ngelalu kitai anembiak baru ti beumur 21 tahun keatas, ngerejista diri kitai nyadi pemilih ba pilihanraya. Kebuah pia ngambi ke kitai ulih enggau urang sama-sama nentu ke calon nyadi ke wakil kitai dalam Parlimen tauka ba Dewan Undangan Negeri. Mayoh bala anembiak ke baru diatu bedau bisi enggau urang ngerejista diri nyadi pemilih. Kitai ti udah ngerejista diri empu tapi ba sitak bepilih menua bukai, kitai tau nukar ia ngagai sitai kitai empu ianya Sitak Balai Ringin.

         Nadai guna kitai rauh-rauh bejako pasal calon tu enda manah, calon nya manah tang kitai empu nadai enggau urang ngundi. Aku bejako to ukai deka nganu semua bala kitai, tang ngambi ke pemayoh pengundi ba menua kitai maioh, lalu kitai bisi dikenangi ke urang leboh dalam bepinta ke projek pemansang ngagai menua kitai. Nadai ngawa enti kitai enda ulih enggau urang ngundi asal meh pemaioh kitai ti ulih enggau ngundi nya bisi “ SUARA” lalu bisi dikenangi ke urang.

S. Dini alai ngerejista diri nyadi pengundi?

J. Kitai ulih ngerejista diri ba

    1. Pejabat-Pejabat Pos Berkomputer di seluruh Negara
        http://www.pos.com.my/WebsiteBM/MAIN2.ASP?c=/V1/Ournetworks/map.htm

   2. PEJABAT PILIHAN RAYA NEGERI SARAWAK

      TINGKAT 11, BANGUNAN SULTAN ISKANDAR,
      JALAN SIMPANG TIGA, PETI SURAT 1366,
      93728 KUCHING, SARAWAK.

    3. Ibu Pejabat SPR Malaysia
       Tingkat Bawah, Blok C7, Kompleks C
       Pusat Pentadbiran Kerajaan Persekutuan
       62690 Putrajaya
       No. Telefon: 03-88856686

      Agi sekali ari aku, anang enda enggau urang ngerejista lalu sama-sama besaup ngemaju ke menua kitai Semada.

Moderator

Aktiviti ari Gawai deka digaga baka tu:

Tarikh : 1 Jun 2009
Masa : 11.00 pagi – 10.00 malam
Tempat : Dewan Serbaguna, Kampung Semada Belatok
Aktiviti : Sambutan ari Gawai Dayak 2009 ba Dewan Serbaguna, Kampung Semada Belatok

Ringkasan Aktiviti:
11.00 am – Penatai bala rayat enggau pengabang ngagai Dewan Serbaguna
11.30 am – Ucapan Tuai Rumah
11.45 am – Ucapan Pengerusi Belia

Continue reading Aktiviti Ari Gawai 2009